Жаҳолатга қарши маърифат билан

Сурхондарёда Дин ишлари бўйича қўмита, олий таълим муассасалари профессор ўқитувчилари ва диний соҳа вакилларидан иборат тарғибот гуруҳи томонидан давлат ташкилотлари, кенг жамоатчилик вакиллари ҳамда ёшлар иштирокида “Жаҳолатга қарши маърифат” шиори остида тарғибот тадбирлари ўтказилмоқда.

Хусусан, Термиз шаҳрида ўтказилган учрашувлар давомида ижтимоий-маънавий муҳитни соғломлаштириш, турли ижтимоий-иқтисодий муаммоларини ҳал этиш, Ватанга бўлган меҳр-муҳаббатни ошириш ҳамда аҳолини, айниқса ёшларни диний мутаассиблик, турли ёт ғоялар таҳдидларидан асраш юзасидан маърузалар қилиниб, “Тинчлик қадри” номли видеофильм намойиш этилди.