Оғир атлетика спорт тури бўйича Сурхондарё вилояти чемпионати мусобақаси ўтказилди.

Вилоятимизда спортнинг оғир атлетика турини оммавийлаштириш ва янада ривожлантириш борасида изчил чора-тадбирлар амалга ошириб келинмоқда.

Ҳусусан, жорий йилнинг 11 май куни “Сурхон” спорт мажмуасида Термиз шаҳар ҳокимлиги, вилоят спорт бошқармаси ва вилоят оғир атлетика федерацияси ҳамкорлигида 2009 йилда туғилган ва ундан кичик ёшдаги ўсмирлар ва қизлар ўртасида оғир атлетика спорт тури буйича мусобақа бўлиб ўтди.

Қизғин курашларга бой бўлган мусобақада 150 нафардан ортиқ ёш оғир атлетикачилар ғолиблик учун беллашиб, ўз маҳоратларини яна бир бор синовдан ўтказишди.

Мусобақа якунида ғолиблар медал, диплом ва совғалар билан тақдирландилар.

Термиз шаҳар ҳокимлиги Ахборот хизмати