“Маҳаллада дув-дув гап”

Бугун Термиз шаҳрида яна 7 та маҳаллада “Маҳаллада дув-дув гап“ тарғибот тадбирлари бўлиб ўтди. Хусусан, “Жўйжангал”, “Мажнунтол”, “Нурли келажак”, “Аму соҳиллари”, “Турон”, “Байналмилал” ва “Саховат” маҳаллаларида ”Янги ҳаёт учун, янги Ўзбекистон учун" шиори остида ўтказилган “Маҳаллада дув-дув гап” маънавий-маърифий, маданий-мусиқий тадбирларида иштирокчилар томонидан мамлакатимизда амалга оширилаётган ислоҳотлардан аҳолининг мамнунлиги ва шукроналик кайфиятида эканлиги алоҳида эътироф этилди.

Тадбирларда бадиий жамоалар ва мактабларнинг истеъдодли ўқувчилари томонидан ижро этилган куй ва қўшиқлар барчани хурсанд қилиб, рақсларга чорлади.

Ушбу тадбирлар шаҳарнинг барча маҳаллаларида давом этмоқда.