"Янги ҳаёт учун, янги Ўзбекистон учун"

Тадбирда ушбу маҳаллаларда яшовчи фуқаролар, нуронийлар, уюшмаган ёшлар, профилактик ва пробация ҳисобида турувчилар, ижтимоий ҳимояга муҳтожлар, ўзини ўзи банд қилган фуқаролар, зиёлилар, олимлар, хотин-қизлар, тадбиркорлар, сектор раҳбарлари ва маҳалла фаоллари иштирок этишди.

“Маҳаллада дув-дув гап” тарғибот тадбирида мамлакатимизда амалга оширилаётган ислоҳотларнинг мазмун-моҳияти ва инсонлар ҳаётига ижобий таъсири тарғиб қилиниб, ҳар бир маҳаллада аҳоли учун яратиб берилаётган шарт-шароитлар, олиб борилган ободонлаштириш ва бунёдкорлик ишлари тўғрисида аниқ мисоллар билан тушунтиришлар берилди ҳамда видеороликлар намойиш этилди.

Термиз шаҳар маданият бўлимининг бадиий жамоалари томонидан ватанпарварлик, шукроналик ва кўнгилочар мавзуларда ижро этилган куй ва қўшиқлар барчани хурсанд қилиб, тадбирлар юқори савияда ташкил қилинди.