БРИФИНГ

Термиз шаҳрида жами 445,0 кмдан ортиқ йўллар бўлиб, шундан  63,0 км марказий кўчалар бўлса, 382,0 км ички йўлларни ташкил этади.

Ўзбекистон Республикаси Президентининг 2022 йил 30 декабрдаги
ПҚ-465-сонли қарорига асосан Термиз шаҳар ҳудудидаги 32,6 км умумфойдаланувдаги йўлларда қурилиш- реконструкция ишлари олиб борилмоқда.

Бундан ташқари Ўзбекистон Республикаси Президентининг жорий йил март ойида вилоятимизга ташрифининг йиғилиш баёнига асосан республика бюджетидан ажратилган маблағлар ҳисобидан шаҳардаги 35,0 кмга яқин ички йўлларга асфальт ҳамда 20,0 км га яқин ички йўлларга бетон қопламалари ётқизилди.

Шунингдек Ўзбекистон Республикаси Президентининг 2021-йил 13-апрелдаги “Бюджет жараёнида  фуқароларнинг фаол иштирокини таъминлаш бўйича қўшимча чора-тадбирлар тўғрисида”ги ПҚ-5072-сонли қарорига асосан “Очиқ бюджет” ахборот портал ҳамда “Менинг йўлим” дастури орқали лойиҳаларга таклиф киритиш ҳамда овоз йиғиш йўли билан ҳам маҳаллий бюджет маблағлари ҳисобидан шу йилнинг ўзида 5,0 кмга яқин ички йўлларда таъмирлаш ишлари амалга оширилди.