"Ўқитувчи ва мураббийлар" куни

Термиз шаҳридаги “Бест” ресторанида
1-октабр "Ўқитувчи ва мураббийлар куни"га бағишланган байрам тадбири бўлиб ўтди.

Унда шаҳримиздаги таълим муассасалари мутасаддилари, энг илғор ва фаол ўқитувчилар, тизимда самарали меҳнат қилаётган фахрий устозлар иштирок этди.

Карнай-сурнай садолари остида, иштирокчилар чеҳраларида чинакам байрамона кайфият билан файзли бошланган тантанали маросимда шаҳар ҳокими Ўктам Тўраев ўқитувчи ва мураббийларни олийжаноб ва масъулятли фаолиятларига куч-ғайрат, ютуқ ва омадлар, хонадонларига эса бахту саодат, файзу барака тилаган ҳолда умумхалқ байрами билан самимий табриклади.

Тадбирда бир гуруҳ фидойи устоз ва мураббийларга шаҳар ҳокимининг фахрий ёрлиқ ва эсдалик совғалари топширилди.

Ташкил этилган қизиқарли концерт дастурида саҳналаштирилган чиқишлар барчага аъло кайфият бағишлаб, элимиз суйган санъаткорлар томонидан куйланган қўшиқлар барчани рақсга чорлади.