ҚУТЛОВ!

Жонажон Ватанимиз дунё ҳамжамиятида ўз обрў-эътиборига эга бўлиб, қалбимизга фаровон ҳаёт завқи олам-олам қувонч бахш этаётган шу қутлуғ кунларда, барчамиз юртимизнинг яна бир улуғ айёми – “Тиббиёт ходимлари куни” ни кенг нишонламоқдамиз. Бугун, Термиз шаҳрида ҳам соҳа ходимлари байрами дастурхон устида "Нигина" тантаналар саройида кўтаринки руҳда нишонланди.

Дарҳақиқат, шифокор деганда, ҳар биримизнинг кўз ўнгимизда қалб меҳри ва касб масъулияти билан дардларга дармон бўлаётган, соғлом авлод дунёга келишига ҳиссасини қўшиб, фидойилик намуналарини кўрсатаётган саломатлигимиз посбонлари намоён бўлади.

Термиз шаҳар тиббиёт бирлашмаси ташаббуси билан ташкил этилган байрамда 6 та оилавий поликлиника, кўп тармоқли марказий поликлиника, шаҳар болалар юқумли касалликлар шифохонаси, сил диспансери ва марказий шифохоналарнинг 400 нафар ишчи ходимлари иштирок этишди.

Тан олиб эътироф этиш керакки, соҳанинг шундай забардаст фидойилари сабаб тиббиёт соҳаси ходимлари барча жамият ва барча даврда ҳам ўта юксак даражадаги шарафга муносиб эканлигини бугун яна бир бора ўз исботини топмоқда.