“Янги Ўзбекистон ёшлари, бирлашайлик” шиори остида ёшлар сайли бўлиб ўтди

“Янги Ўзбекистон ёшлари, бирлашайлик” шиори остида ёшлар сайли бўлиб ўтди

Сурхондарё вилоятида “Янги Ўзбекистон ёшлари, бирлашайлик!” шоири остида ўтказилган Ёшлар сайли минглаб ўғил-қизларни айни эзгу мақсад сари бирлаштирди.

Бугун Термиз шаҳрида бошланган тадбирларнинг гала-концерт дастурида вилоят ҳокими Улуғбек Қосимов иштирок этиб, ёшларни байрам билан муборакбод этди. Ҳар жабҳада илғор, ўз тенгдошларига ўрнак бўлаётган ёшлар, йигит-қизларимизни етук кадр қилиб тарбиялашда алоҳида ўрнак кўрсатаётган таълим муассасалари пул мукофотлари ҳамда спорт анжомлари билан тақдирланиб, ёшлар вакилларига сертификатлар тантанали топширилди.

Гала-концерт дастурида эстрадамиз ёрқин юлдузлари, Шоҳруҳхон, Севинч Исмоилова, Сардор Тоиров, “Via marokand”, “Божалар” ва "Беном" гуруҳлари ҳамда бошқа санъаткорлар, шунингдек, таниқли бошловчиларнинг чиқишлари ёшлар сайлини ҳақиқий байрам шоуларига айлантирди.

Ёшлар сайли доирасида бугун кун давомида “Китоблар карвони”, “Зиёлилар форуми”, “Инсон қадри ва меҳр-саховат”, “Менинг қонуним – менинг тақдирим” каби турли лойиҳалар ҳам ўтказилди.