Бугун вилоят ҳокими Улуғбек Қосимов Термиз шаҳридаги Олимпия ва Паралимпия спорт турларига тайёрлаш марказида бўлиб, спорт таълим муассасаси фаолияти билан танишди ва спортчи ёшлар билан учрашув ўтказди.

Бугун вилоят ҳокими Улуғбек Қосимов Термиз шаҳридаги Олимпия ва Паралимпия спорт турларига тайёрлаш марказида бўлиб, спорт таълим муассасаси фаолияти билан танишди ва спортчи ёшлар билан учрашув ўтказди.

Марказда 457 нафар ўқувчи таҳсил олиб келмоқда. Шундан, қиз болалар 41 нафарни, параспортчилар 9 нафарни ташкил этади. Ҳозирда ўқувчилар спортнинг 18 тури бўйича машғулотларда иштирок этишади.

Вилоят ҳокими спортчи ёшлар билан учрашув давомида яратиб берилган имкониятлардан самарали фойдаланиб, жаҳоннинг юксак ареналарида, Олимпияда ва паралимпия мусобақаларида ғолибликни қўлган киритган ҳолда юртимиз байроғини кўкларга кўтариш лозимлигини, бунинг учун спортчи ёшларимизга барча шароит ва зарур кўмаклар кўрсатилишини айтди.

Соҳа масъулларига ошхона, ётоқхона ва спорт залларидаги шароитларни яхшилаш, овқатланиш рационини белгиланган талабларга асосан ташкил этилганлигини ўрганиш топширилди.

Тадбир якунида чемпион ёшларга пул мукофотлари ваучерлари топширилди.